Օրը՝ Դեկտեմբերի 6,
Ժամը՝ 10:00
«Արհեստական բանականություն և փափուկ հմտություններ ՄՓՄՁ-ների համար․ հզորացնելով հայաստանյան ձեռներեցներին՝ ի նպաստ աճի և դիմակայունության» երկօրյա կոնֆերանս
ՀԲԸՄ հիմնադրամ (Հայաստան)-ի և Գերմանական խնայողության բանկերի հիմնադրամ (DSIK)-ի նախաձեռնությամբ 2025 թվականի դեկտեմբերի 5-ին և 6-ին DoubleTree by Hilton Yerevan City Centre հյուրանոցում տեղի կունենա երկօրյա կոնֆերանս՝ «Արհեստական բանականություն և փափուկ հմտություններ ՄՓՄՁ-ների համար․ հզորացնելով հայաստանյան ձեռներեցներին՝ ի նպաստ աճի և դիմակայունության» խորագրով։
Միկրո, փոքր և միջին ձեռնարկատերերի հզորացմանն ուղղված այս կոնֆերանսը մի հարկի տակ է միավորելու պետական և մասնավոր ոլորտների, ֆինանսական կառույցների, կրթական կազմակերպությունների ներկայացուցիչների` նպատակ ունենալով բիզնեսին զինելու փափուկ հմտությունների կատարելագործման և ժամանակակից AI գործիքների կիրառման հմտություններով:
Տարբեր ձևաչափերով ներկայացվող քննարկումների, ելույթների ու վարպետաց դասերի ընթացքում մասնակիցները ձեռք կբերեն գործնական, անմիջապես կիրառելի գիտելիքներ:
Օրակարգում` պանելային քննարկում, TED ելույթներ, աշխատարաններ:
Ում համար է նախատեսված`
-ՄՓՄՁ հիմնադիրներ ու ղեկավարներ
-Սկսնակ ձեռնարկատերեր և ստարտափներ
-Դասընթացավարներ, բիզնես խորհրդատուներ
-ՀԿ-ներ և բիզնեսի զարգացմանն ուղղված կազմակերպություններ