April 16, 2021
Ի՞նչ նվիրել նրանց, ովքեր ունեն ԱՄԵՆ ԻՆՉ 🤔
Նվերներ նրանց համար, ովքեր ոչինչ չեն ուզում
Բոլորիս շրջապատում էլ կա մեկը, ում անհնար է ինչ-որ բան նվիրել, ինչի կարիքը նա իրոք ունի։ Անգամ եթե ուղիղ հարցնենք, թե ինչ կուզենար նվեր ստանալ, միևնույն է, չենք ստանա պատասխան, քանի որ նա ինքն էլ չգիտի՝ ինչ կուզենար ունենալ։ Հարց է առաջանում․ ի՞նչ անել, ինչպե՞ս զարմացնել կամ ուրախացնել մայրիկին՝ ով ասում է, որ ոչնչի կարիք չունի, կամ լավագույն ընկերոջը՝ ով ապրում է «եկա, տեսա, գնեցի» բանաձևով։
Բուրավետ մոմ
Դուք չեք կարող սխալվել բուրավետ մոմ գնելիս, քանի որ անուշ բույրեր բոլորն էլ սիրում են։ Ավելին, դրանք ունեն հանգստացնող բնույթ, տալիս են հարմարավետության զգացողություն։ Հատկապես այս անուշաբույր մոմը՝ պատրաստված էկո պարաֆինից, կարող է դառնալ նաև տան դեկորի մի մաս։
Մատուցման սկուտեղ
Այն մարդկանց համար, ովքեր սիրում են համեղ միջուտեստներ վերցնել և հարմար տեղավորվել բազմոցին՝ ֆիլմ դիտելու։ Նրանք գուցե երբևէ չեն մտածել, թե սնունդն ինչքան հետաքրքիր կլիներ, եթե այն դասավորված լիներ էսթետիկ սկուտեղում։ Մեկ այլ տարբերակ են ֆունկցիոնալ տարաները․ այն մարդկանց համար, ովքեր սիրում են տարբեր համեղություններ և դիտում են ֆիլմերն ու սիրելի հաղորդումները հեռախոսի էկրանով։
Փազլ լուսամփոփ
Լուսամփոփը պատկանում է անհրաժեշտ իրերի ցանկին, բայց երբ այն խաղային ու հետաքրքիր է, ապա նվերն ավելի տպավորիչ է։ Օրինակ՝ հիշո՞ւմ եք հայտնի տետրիս խաղը, երբ պատահական ֆիգուրները վերևից ընկնում էին ուղղանկյուն բաժակի մեջ, իսկ խաղացողը կարող էր պտտել և շարժել ֆիգուրները հորիզոնական ուղղությամբ։ Ո՞վ կմտածեր, որ այն կարելի է ամեն օր իր պատկերը փոփոխող լամպի վերածվել։ Ի՞նչ կասեք նոր լուծումներով այս տետրիսի մասին, որը միաժամանակ նաև լուսամփոփ է՝ բաղկացած 7 տարբեր գույների տետրոմինոներից:
Զվարճալի օճառաման
Զվարճալի իրերը նվերներն ավելի հետաքրքիր են դարձնում, և ուրախացնում են և՛ ստացողին, և՛ նվիրողին, և՛ շրջապատող մարդկանց։ Օրինակ՝ այս զվարճալի օճառամանը բացի իր նպատակին ծառայելուց, նաև երկար կհիշեցնի նվիրողի մասին և կզվարճացնի հյուրերին՝ որպես տան հետաքրքիր իր։
Գիրք
Գրքերը միշտ եղել են այն լավագույն նվերների շարքից, որոնք երբեք շատ չեն լինում։ Անգամ այն մարդիկ, ովքեր ունեն ամեն ինչ, հաստատ չեն հասցրել կարդալ աշխարհի բոլոր գրքերը։ Նվիրեք գիրք, սովորեցրեք նոր հմտություն, մոտիվացրեք, հուզեք, ոգեշնչեք լավագույն գրքերով։
Նվեր քարտ
Նվեր քարտերը շարունակում են մնալ ամենաակտուալ նվերների շարքից։ Եթե չեք կողմնորոշվում, թե ինչ նվիրել, ապա դրանք լավագույն տարբերակն են նվերը պիտանելի դարձնելու համար։ Միևնույնն է, Ձեր հարազատներն ու ընկերները կատարում են գնումներ, այս միջոցով կարող եք վստահ լինել, որ Ձեր նվիրած նվերը իրենց ճաշակով է եղել։ Մնում է միայն իմանալ սիրելի խանութի անունը, և վուալյա, նվերը պատրաստ է։
Նվեր տուփ
Նվեր տուփերը հարմար տարբերակ են մի քանի իրերի հավաքածու նվիրելու համար։ Կախված նախասիրություններից, կարող եք ընտրել թեյասերների համար տուփ, սուրճի կամ քաղցրավենիքի սիրահարների համար նախատեսված տուփեր, և այլն։ Մենք ընտրել ենք խնամքի պարագաների նվեր տուփ, որովհետև խնամքը երբեք շատ չի լինում։
Բոնուս
Գիտենք, թե ինչքա՜ն նյարդայնացնող է, երբ ասում են` "ոչինչ չեմ ուզում։"
Լավ իմանալով՝ որ, միևնույն է, նվիրելու ենք։ Ձեռք բերեք հումորային տուփ՝ լի «ոչնչով»։ Հավատացնում ենք` այլևս Ձեր հարցերը անպատասխան չեն մնա։
Իսկ եթե նա, ում նվիրելու եք արական սեռի ներկայացուցիչ է, ապա կարդացեք “Թոփ 7 նվերներ տղամարդկանց համար” հոդվածը։
