January 21, 2021
Թոփ 7 Նվերներ Տղամարդկանց համար
Նվեր ընտրելը պատասխանատու պրոցես է, որին պատրաստվելու համար հաճախ փնտրտուքները սկսվում են համացանցում և ավարտվում անմիջապես հասցեատիրոջը հարցեր տալով, ինչն անակնկալի դեպքում “լրտեսի” հմտություններ է պահանջում։ Գեղեցիկ սեռի համար նվեր ընտրելն ինչ-որ չափով ավելի հեշտ է․ պահանջարկն ու տեսականին ավելի մեծ են։ Այլ է պատկերը տղամարդկանց համար ընտրելու դեպքում։ Որպեսզի իրենց հարմար նվեր գտնեք, ավելի մեծ ջանքեր է հարկավոր գործադրել, հատկապես, երբ ցանկանում եք օրիգինալ անակնկալ մատուցել։
Իսկ ինչպե՞ս գտնել հենց այն նվերը, որը կգոհացնի և՛ հասցեատիրոջը, և՛ Ձեզ՝ որպես նվերի հեղինակ։ Առաջին հերթին պետք է ուսումնասիրել նրա հետարքրությունները և, հաշվի առնելով առիթը, որին պատրաստվում եք ներկա գտնվել, գտնել տարբերակներ։
Ընտրության պրոցեսը մի փոքր կրճատելու նպատակով, ձեզ ենք ներկայացնում թոփ 7 նվերներ տղամարդկանց համար, որոնք կարելի է մատուցել թե՛ ծննդյան կամ այլ առիթով, և թե՛ առանց առիթ` պարզապես, որպես հաճելի անակնալ։
Եվ այսպես՝
1․ Ժամացույց
Այս նվերի շուրջ նախապաշարմունքները շատ են, սակայն դրական էմոցիաներն արդեն իսկ լավ սկզբի նշան են։ Հատկապես, երբ ժամացույցը բազմաֆունկցիոնալ է և դիմացկուն։ Ակտիվ կյանք վարող տղաները, արշավների սիրահարները և սպորտսմենները հաճախ են կարիք ունենում այնպիսի ժամացույցի, որն իր հիմնական գործառույթներից բացի, նաև այլ ֆունկցիաներ կկատարի, օրինակ՝ կլուսավորի մութ ճանապարհը, երբ ձեռքերը զբաղված են կամ ջրակայուն կլինի։
2․ Ավտոմեքենայի պարագաներ
Ավտոմեքենան միայն տեղափոխության միջոց չէ, ցանկացած անձ, ով վարում է, կասի Ձեզ այդ մասին։ Այն բավական ծախսատար է, և ավտոսիրահարները կատակում են, որ ընտանիքի լիիրավ անդամ է դառնում՝ իր պահանջներով։ Այդ պատճառով, եթե չգիտեք ինչ նվիրել տղամարդուն, ապա ավտոմեքենայի պարագաները կարող են փրկել իրավիճակը։
“Standard Oil” ավտոմեքենայի պարագաներ հենց նման դեպքերի համար է։ Այն իր մեջ ներառում է աշխարհի ամենապինդ՝ կարնաուբյան ոսկից պատրաստված պաշտպանական ոսկ, որը կպաշտպանի ավտոմեքենան շուտ փոշոտվելուց և ավտոսրահի օդի թարմացուցիչ, որը 60 օր կպահպանի իր հոտն ու նաև անվնաս է հղիների համար։
3․ Նոթբուքի պայուսակ
Ինչպե՞ս հաճելիորեն զարմացնել գործարար տղամարդուն, ով մշտապես գործուղումների մեջ է կամ հեռահար աշխատանք է վարում և առանց նոթբուքի տանից գրեթե դուրս չի գալիս։
Հարմարավետ տեղաշարժվելու համար նա առաջին հերթին պետք է չզգա համակարգչի ծանրությունը։ Հատկապես, երբ ձեռքում շատ իրեր կան, իրադրությունը կարող է փրկել նոթբուքի ուսապարկը։ Ձեռքերի ազատ մնալու խնդիրն առկա է նաև ճանապարհորդելիս․ վտանգավոր է թանկարժեք համակարգիչը դնել ճամպրուկի վրա, եթե այն չի ամրանում։ Այն, որպես հետևանք, դառնում է ևս մի ձեռնածանրոց` բավականին շատ անհարմարություններ պատճառելով տիրոջը։
4․ Էլեկտրական սափրիչ
Խնամված մորուք ունենալն այսօր թրենդային է, սակայն ոչ բոլորին է սազում դեմքի մազածածկույթը, իսկ ոմանք աշխատանքի բերումով դա չեն կարող իրենց թույլ տալ։ Եվ, ի վերջո, ոչ բոլորն են սիրում նման ոճ։
Էլեկտրական սափրիչը շատ կհավանեն հարթ դեմք նախընտրող տղամարդիկ։ Անգամ մորուք չունենանլու դեպքում՝ այն կարելի է օգտագործել մազերին խնամված տեսք հաղորդելու համար, երբ չեք ցանկանում կամ դեռ ժամանակը չէ վարսավիրին այցելել։
Իսկ ինչպե՞ս ընտրել այնպիսի մոդել, որը երկար ծառայի տիրոջը։ Այն պետք է լինի ջրակայուն, հարմար լինի ձեռքի մեջ պահելը, ունենա լիցքավորիչ և ամուր կանգնի ուղիղ մակերևույթին՝ առանց հենակների։ Որակյալ տեխնիկան արժեքավոր նվեր է թե՛ պապիկին, թե՛ հայրիկին, թե՛ ընկերներին կամ սիրելիներին, և անգամ աշխատակիցներին։
5․ Խնամքի պարագաների հավաքածու
Դասական նվեր է, այնպես չէ՞։ Իսկ ի՞նչն է խանգարում դրան երկրորդ կյանք տալ՝ յուրօրինակ փաթեթավորմամբ և հայրենական արտադրության տղամարդկանց խնամքի միջոցներով։
Անդրադառնալով մորուքի թեմային՝ պետք չէ անտեսել նաև նրանց, ովքեր խստորեն հետևում են իրենց կոկիկ տեսքին և այդ ոճի մեջ են հարմարավետ զգում։ Խնամքի պարագաները կարելի է անձամբ հավաքել կամ գնել արդեն պատրաստի նվեր-տուփ։ Օրինակ՝ “BOLD” ընկերությունը մեկտեղել է տղամարդու օգտագործման ամենաանհրաժեշտ խնամքի պարագաները՝ դեմքի օճառ, մորուքի յուղ, շամպուն և մորուքի քսուկ։ Արդեն մտածված նվեր է, որը հարկավոր է ընդամենը պատվիրել։
6․ Մոտիվացնող գիրք
Ո՞վ ասաց, որ տղամարդկանց չի կարելի գրքեր նվիրել։ Մեզ մոտ օրեցօր աճում է գրենական պիտույքների և գրքերի՝ որպես նվեր պահանջարկը։ Այժմ ըստ հետաքրքրությունների կարելի է գտնել ցանկացած գիրք։ Եթե նվերն անակնկալ է, կարելի է ուշադիր լինել, թե նա ինչ ֆիլմեր է սիրում։ Սիրելի ֆիլմի գիրքը նույնպես հաճելի անակնկալ կարող է լինել։
7․ Կրեատիվ խաղեր
Ընկերական աղմկոտ շրջապատում հանգստանալ սիրող տղամարդկանց համար լավ ժամանց կազմակերպելը կարևոր է։ Նման օրիգինալ նվերը կուրախացնի ոչ միայն ստացողին, այլ նաև երեկույթի բոլոր ներկաներին։
Շախմատ «Creative Gifts»՝ բաժակներով կարող է հետաքրքրություն ավելացնել նման բազմամարդ երեկոյին։ Նման կրեատիվ խաղերի հավաքածու ունենալու դեպքում ստացողը դժվար թե հյուրերի պակաս զգա։
Տղամարդկանց համար նվերներ ընտրելն ավելի ժամանակատար է, սակայն հաճելի է տեսնել նրանց արձագանքն անգամ սպասված նվերի դեպքում։ Չէ՞ որ անակնկալը շատ բան է ասում ոչ միայն ստացողի մասին, այլ նաև նվիրողի։ Ուշադիր և հոգատար անձնավորության մատուցած նվերն առանձնանում է ստացողին համապատասխան լինելով։ Եղեք այն մեկն, ով հայտնի է իր յուրահատուկ նվերներով:
Եթե դժվարանում եք ընտրության հարցում կամ ապրանքների հետ կապված հարցեր ունեք, կարող եք կապ հաստատել 4u.am-ի սպասարկող Հրեշտակների հետ, և նրանք կօգնեն Ձեզ։
