April 7, 2021
Ինչպե՞ս Ստեղծել Հաջողված Բիզնես (Մաս 2)
Ինչո՞վ պետք է զբաղվի կինը։
Գովազդային արշավները հիմնականում հաշվարկվում են կանանց համար։ Ասում են՝ կանանց շրջանում ավելի շատ են հանդիպում շոփոհոլիկները, և նրանք ավելի հակված են էմոցիոնալ գնումներ կատարելուն։ Լինի դա միֆ, թե իրականություն՝ մեր կին գործընկերները ցույց են տալիս, որ հնարավոր է ղեկավարել խանութ, կարի արտադրամաս, կարել ու ներկրել որակյալ ապրանք։ Տեսնենք օրինակներով։
Bonasens.am
"Bonasens"-ն առցանց խանութ է, որի հիմնադիրը՝ Մաննիկն է, ինքնուրույն է կառավարում ամեն ինչ։ Այնտեղ ներկայացված են հետաքրքիր գրենական պիտույքներ, դպրոցական պարագաներ, որոնք սիրով օգտագործում են նաև մեծերը։ Մաննիկը շեշտում է, որ բիզնեսի հաջող ընթացքի մեջ ընտանիքի բոլոր անդամներն ունեն իրենց ներդրումը․ նրանք զբաղվում են սոց․ ցանցերում առաջխաղացմամբ, ապրանքների ընտրությամբ, պահեստի կառավարմամբ։ Վերջինի պատասխանատուն Մաննիկի յոթամյա դուստրն է։ Դե ասեք, որ ընտանիքի անդամների հետ աշխատել չի կարելի։
Artuyt
"Արտույտի" հիմնադիրն Արևիկն է, նրա համար առաջնային նպատակ է եղել ճանաչելի դարձնել հայկական արվեստը և՛ Հայաստանում, և՛ Հայաստանից դուրս։ Ընկերությունը զբաղվում է շարֆերի և աքսեսուարների արտադրությաբ։ Համագործակում է տարբեր թանգարանների հետ, որոնցից են Երևանի ժամանակակից արվեստի թանգարանը, Սերգեյ Փարաջանովի թանգարանը, Սուրբ Էջմիածնի թանգարանները, Երվանդ Քոչարի թանգարանը, Մատենադարանը։ Բոլոր աքսեսուարների վրա կարող եք տեսնել արվեստի հայտնի գործերը։ Իսկ քանի որ շարֆերը կրում են այնպիսի հայտնի մարդիկ, ինչպիսիք են Անգելա Մերկելն ու Քիմ Քարդաշյանը, "Արտույտի" արվեստն, իրոք, ճանաչելի է դառնում ամբողջ աշխարհում։
Lalunz
"Lalunz"-ը մասնավորապես մանկական հագուստի արտադրությամբ է զբաղվում։ Հիմնադիրը Լուսինեն է։ Անվանումը գալիս է Սյունիքի մարզից, քանի որ բրենդը ստեղծելիս ոգեշնչման աղբյուր են եղել Սյունիքի հնագույն ժայռապատկերները, արված 7500 տարի առաջ։ Լուսինեն այլևս չի պատկերացնում իր կյանքն առանց բրենդի, որը դարձել է իր երեխան։ "Lalunz"-ի առջև դրված նպատակն է՝ ապացուցել, որ հայկականը ոչնչով չի զիջում արտասահմանյանին և հնարավոր է ճանաչելի դարձնել Հայաստանը նաև նորաձևության ոլորտում։ Ըստ իրեն՝ շատ ու շատ խոչընդոտների է բախվել այս տարիների ընթացքում, բայց կարևոր մի բան կա՝
