April 7, 2021
Ինչպե՞ս Ստեղծել Հաջողված Բիզնես (Մաս 3)
Կանացի գլխավոր “թուլությունները”
Եթե երբևէ բախտ է վիճակվել փնտրել նվերներ կանանց համար, ապա նկատած կլինեք, որ ամենաշատ առաջարկվող ապրանքներից են՝ օծանելիքը, ծաղիկները, խնամքի միջոցներն ու կոսմետիկան։ Ընդունված է ասել, որ նվիրում են գեղեցիկը՝ գեղեցիկ սեռի ներկայացուցիչներին։ Ինչը ևս մի կարծրատիպ է՝ ոչ բոլոր կանայք են սիրում շպարվել, ոմանք ծաղիկներից ալլերգիա ունեն, իսկ օծանելիքն առհասարակ բարդ է ընտրել ոչ շատ մտերիմ մարդու համար։ Ուրեմն փորձենք այս կարծրատիպերը ևս կոտրել մեր կին գործընկերների շնորհիվ։
Lusin Parfume
"Lusin Parfume"-ը հայկական արտադրության օծանելիքներ են։ Հիմնադիրը՝ Լուսինեն, անձամբ անտարբեր չի բույրերի նկատմամբ, ինչն էլ պատճառ հանդիսացավ, որ 2019 թվականին սկսկի զբաղվել օծանելիքի արտադրությամբ։ Լավ օծանելիքը միշտ չէ որ մեծամասնության գրպանին հարմար է, այն էլ այս բարդ տարում։ Լուսինեն նշում է, որ եղել են բազմաթիվ դժվարություններ․ պետք էր մնալ մրցունակ անգամ այն ժամանակ, երբ գնողունակության հետ ևս խնդիր կարող էր առաջանալ։ Այդ ամենի հետ մեկտեղ, 2020-ն իր բարդություններն առաջ բերեց, որոնց պետք էր դիմակայել։
Nairian
Նաիրյանը հայկական արտադրության խնամքի միջոցներ է ներկայաացնում։ Հիմնադիրն Անահիտն է, ով կրթությամբ ֆիզիկոս է և 12 տարի աշխատել է ծրագրավորող Սիլիկոնյան Հովտում։ Ֆիզիկոսի ռացիոնալությամբ մոտենալով սեփական բիզնես ունենալուն, Անահիտը հստակեցրել էր իր համար ընկերության հիմնադրման պատճառները, որոնք են՝
- ստեղծել սեփական բիզնես, որի հիմքում կլիներ իր հոբբին` եթերային յուղեր և բնական կոսմետիկ միջոցներ,
- ստեղծել Հայաստանում կանաչ արտադրություն, որը ստեղծում է հավելյալ արժեք բնական հումքից, առանց բնությանը վնաս տալու և կարող է արտահանել պատրաստի պրոդուկտ։
Այդ պատճառով բրենդն օգտագործում է սեփական այգիներում աճեցված բնական հումք։ Ներկայացնում է հայաստանը 2013 թ-ից ի վեր աշխարհի մի շարք երկրներում։
Bnatur
Եվս մեկ հայկական արտադրության խնամքի միջոցների ընկերություն՝ կրկին կնոջ կողմից հիմնադրված։ Սակայն, հակառակ Անահիտի, Արփին սկսել է բնական կոսմետիկ միջոցների արտադրությունը նախ սեփական կարիքներից ելնելով՝ միայն իր համար, հետագայում դա վերածվել է հոբբիի, վերջում վերածվել է սեփական բիզնեսի, որով և զբաղվում է 2014 թվականից ի վեր։
"Երբ զբաղվում ես սիրածդ գործով, աշխատանքն աննկատ է անցնում և, որպես հետևանք, ավելի շուտ ես հաջողում"։
Eco Garden
Էկո Գարդենը բույսերի խանութ է, որտեղ շեշտը դրվում է նաև մատուցման վրա, այնպես, որ բույսերը հեշտ լինի օգտագործել ինտերիերի դիզայնում։ Հիմնադիրն Անահիտն է, ով պատմում է, որ մինչ 2018 թվականը (ընկերությունն այդ ժամանակ են հիմնել) արդեն զբաղվում էր բույսերի խնամքով և բազմացման աշխատանքով։ Աշխատում էր փոքրիկ ջերմոցում, որտեղ և առաջացավ միտքը՝ ստեղծել այնպիսի ընկերություն, որը նորովի կներկայացնի բույսերն, ինչի հետևանքով հաճելի կլինի դրանք տան ինտերիերի մի մասը դարձնել։
Cataleya
Ըստ Մայայի՝ ծաղիկների հանդեպ մեծ սերն ու կրեատիվ բազմաթիվ մտքերն են, որ 2018 թվականին դրդել են իրեն ստեղծել սեփական բիզնեսը։ Թիմի կարգախոսն է՝ "գոհացնել անգամ ամենաբծախնդիր հաճախորդին, որպեսզի նրանք գոհունակությունից ծաղկեն քմահաճ Կատալեա ծաղկի նման"։ Հաջողության իր գաղտնիքը հետևյալն է՝
Ի՞նչ ենք մենք տեսնում մի քանի գործընկերների օրինակով։ 4u.am-ի կին գործընկերները շատ-շատ են, բոլորից էլ ունենք սովորելու շատ բան։ Եկեք նշենք այն, ինչ կարող ենք վերցնել հենց հիմա, հենց այս նյութից։ Որո՞նք են իրենց միավորող հատկանիշները։
1․ Կանայք կարողանում են մասնագիտանալ այն ոլորտում, որը շատ սիրում են նաև կենցաղում (երբ հոբբին դառնում է մասնագիտություն)։
2․ Կարծրատիպեր են կոտրում՝ կարողանալով ղեկավարել մեծ թիմեր, ամենատարբեր ուղղվածությամբ։ Եվ այդ թիմերը հաջողում են կարճ ժամանակում։
3․ Ճգնաժամային իրավիճակներում չեն ընկճվում, այլ հավաքվում են՝ ավելի ուժեղ դառնալով։
4․ Կարողանում են դժվարությունները վերածել հնարավորությունների, ճկունություն ցուցաբերելով։
5․ Ստեղծարար են՝ ամեն ինչին նոր երանգներ են հաղորդում։
6․ Ունեն մեծ երազանքներ, որոնք համեմված են հայրենասիրությամբ։
Մեզանից յուրաքանչյուրն ունի այս պոտենցիալը՝ բավական է պարզապես հիշել, թե որ ոլորտներից են մեր գործընկերները մուտք գործել բիզնես։ Հնարավոր է քեզ ևս մի քայլ է բաժանում երազանքիդ գործից։ Ի՞նչ է հարկավոր անել դրա համար։ Իրենց ոչինչ չկանգնեցրեց, ոչինց չխանգարեց, անգամ այդքան բարդ 2020 թվականը։
Եվ ուրեմն հարկավոր է պարզապես գործի անցնել։
