April 21, 2021
“Սատարում ենք Հայ Արտադրողին” Շարքի Առաջին Հերոսը
DF Project
Փոքրիկ ժամանակային էքսկուրս․
Կորոնավիրուսային համավարակ, հետո՝ պատերազմ։ 2020 թվականից մինչ օրս բարդ ժամանակները դեռ չեն ավարտվում։ Պայքար՝ պայքարի հետևից։ Նման իրավիճակում՝ դարեր ի վեր, հայը հավաքում է իր ողջ ներուժն ու գործի անցնում։
2020թ-ի հոկտեմբերին Հայաստանն օգնության կարիք ուներ ավելի, քան երբևէ։ Դա էր պատճառը, որ շատ արագ ստեղծվեց “I support made in Armenia” շարժումը․ աշխարհի հայերը կրկին միավորվեցին։ Գաղափարը հետևյալն էր՝ հրաժարվել թուրքական ապրանքներից և փոխարենը գտնել նույնի հայկականը՝ այդ թվում նաև Հայաստանից։ Այդպիսով ստացվում էր նաև խթանել հայկական տնտեսության աճը, սատարելով նախ՝ փոքր և միջին, ապա նաև խոշոր հայ արտադրողներին։
Նախաձեռնությունը միանգամից արձագանք գտավ նաև Հայաստանի ներսում։ Միացան բազմաթիվ ընկերություններ և սկսեցին իրենց հարթակներում ակտիվորեն առաջ տանել հայրենական արտադրողից գնումներ կատարելու միտքը:
Հայկական տնեսությանը սատարելը 4U.am-ի գլխավոր առաքելություններից մեկն է, մենք ևս արագ միացանք շարժմանը։
Մեր կողքին այսօր ապրում և լուռ աշխատում են հերոսներ, ովքեր ամենադժվարին տարում մնացել են հաստատուն թե՛ իրենց որոշումների և թե՛ գործի մեջ։
Ժամանակն է եկել, որ անենք ևս մի քայլ: 4u.am-ը որոշել է ծանոթացնել ձեզ հենց իրենց՝ հայ արտադրողների հետ, որպեսզի սեփական օրինակով փաստեն՝ “անհնարինը հնարավոր է” արտահայտության ճշմարտացիությունը։ Նրանք բոլորն ունեն ասելիք և սկսել են իրենց ճանապարհը հենց այդ ասելիքը լսելի դարձնելու համար։
Հայ արտադրողներին ներկայացնող մեր նոր տեսաշարի առաջին հերոսը “DF Project” արծաթյա զարդերի բրենդի հիմնադիր Կարոն է, ով անգամ շնորհակալագիր ունի, որ համավարակի ժամանակ չի դադարեցրել իր գործունեությունը հարկային դաշտում:
Եվս մեկ ապացույց, որ սիրով արված գործը կրկնակի, եռակի լավ է ստացվում։
Համոզվեք ինքներդ։
https://www.youtube.com/watch?v=X5Spu3Oxn5E
